Ээ дээ энэ аашыг уу

Ойрхоноос өөрийгөө ойлгохоо байлаа, мэдэхгүй би гэж хүн биеэс гараад өөр нэг хүнийг хажуунаасаа ажиглаад байгаад байх шиг... Цуг ирсэн их сургуулийн найз охин маань нэтээр юм бичхээр би гэж хүн ер юм бичихгүй эсвэл тийм үгүй гэх мэт товч хариулт өгөөд нөгөөдөх маань ч одоо гомдсон байх даа. Яасан юм бүү мэд, нэтэд мэдээ эсвэл кино үзэж байхад гэнэт орж ирээд базз хийгээд л юу байна юу байна гэнэ, гэр сургууль гээд явж байгаа над шиг хүнд сонин сайхан ховор л байх юм, тэхээр жаахан байж байснаа юу байнаа юу ч байхгүймүү, өө энэ тэр гэнэ. Байхгүй л юмыг би өөр юу бичих вэ, анх ирээд л энэ болохгүй байна тэр болохгүй байна буцмаар байна гээд л гомдоллодог байхад нь би өчнөөн тайлбарлаа л тэс тэвч гээд л үгээ хэлж байсан. Одоо ч тэгээд залхаад байх шиг байна. Би зөн совиндоо итгэдэг хүн, мэдэхгүй ээ ямар ч байсан өөрт тохиолдсон сайхан явдлаа, азтай зүйлээ найздаа хэлхээр нөгөөх нь буруугаар эргээд ирэх юмуу эсвэл би их амархан өвдөөд ядраад ирээд байх шиг. Ойрын үед бүр нотлогдоод одоо би хэнд ч бараг итгэхээ больж байна дөө, нэг ёсондоо нөгөө гэнэн цайлган хэн бүхэнд итгэдэг байсан Золоо охин өөрийгөө хаагаад л улам дотогшоогоо болж байна . Би ийм байгаад баймааргүй л байна. Хар нялxын найзууд Монголд байгаа юм чинь л гэж дотроо бодож сууна. Энэ сургуульд цуг сурдаг охинтой бас тийм ч сайн харьцаагүй ээ. Саяхан л гэхэд цагаан сар болж байна уулзаж бууз салат хийж идье гэж ярьчихаад орой нь миний залхуу хүрээд байна чи өөрөө хоолоо хийгээрэй би лав настригүй болчлоо гэж байгаан. Энэ одоо юу гэсэн үгийм бэ тэ? Миний уур хүрсэн гэж. Ядаж уучлаарай найзаа ч байхгүй би одоо юу юм өөрөө хоолоо хийгээрэй ч гэх шиг ийм тэнэг. Тэрнээс хойш уур хүрээд ганцаараа л яваад байгаа, угаасаа тэрнийг царайчлана гэх юм биш яадын. Өөртөө юу ашигтай байна тийм юманд л хөдөлдөг хүмүүст би дургүй, бусдад жаахан ч гэсэн тус хүргэж явдаггүй юмаа гэхэд бусдын эрхийг боогдуулахгүй амьдраасай гэх мэтчилэн би орь ганцаараа болсоор л. Маргааш эндхийн Монголчууд цагаан сараа тэмдэглэнэ чи ирхүү гэж их сургуулийн найз маань бичнэ лээ амжихгүй байхаа л гэсэн мэдэхгүй хүсэл алга. Ганц жил тэмдэглэхгүй байж бас үзэж байна. Ер нь юу болоод байгааг би өөрөө ч мэдэх юм алга, би ийм хүн биш юмсан зүгээр л хэсэг амралт авч байна гэж ойлговол тэр л биз ойлгохгүй намайг тоохгүй байна гэж бодвол бас бодно л биз аль нь ч надад хамаа алга, өнгөрсөн хугацаанд би хэнийг нь ч гомдоохгүй гэж явж ирсэн би бас хүн өөрөө гомдож тунирхах цаг маань ирсэн бололтой...